Өскеменнің орталығындағы 80-нен астам үй жылусыз қалды

Өскеменнің орталығындағы 80-нен астам үй жылусыз қалды, деп хабарлайды Orda.kz.

Өңірдегі YK-news.kz басылымының деректеріне зер салсақ, жылудың өшкені Буров, Қабанбай батыр, Қазақстан және Мызы көшелеріндегі көпқабатты үйлерге, сондай-ақ жеке үйлер мен ұйымдарға әсер етті. 

Басқарушы компанияның мәліметінше, 7 қараша күні сағат 9:00-ден 17:00-ге дейін мынадай көпқабатты үйлерде жылу жүйесі уақытша тоқтатылады:

• Буров көшесі: 9, 13, 15, 17, 19, 19/1, 21, 23, 25, 25/1, 25/2, 25/3, 27, 27/1, 27/2, 27/3, 29, 33, 35, 37, 39, 39/1, 39/2, 41, 45, 47, 49, 51а;
• Қабанбай батыр көшесі: 93, 95, 97/1, 99, 99/1, 105, 105а, 114, 116, 118, 124, 126;
• Қазақстан көшесі: 65, 72, 78, 78а, 80, 82, 82/1, 84, 84/1, 86, 90, 92, 94, 96, 98, 98/1, 98/2, 102, 104, 106, 108, 110, 110/1, 114, 116, 118, 124, 126;
• Мызы көшесі: 5, 5/1, 9, 11, 13, 15, 17/1, 21, 23, 25, 29, 31, 33, 35;
• Жеке сектор: Мызы көшесі, 1в.

Сондай-ақ бірнеше мекемелер де уақытша жылусыз қалады.

«Шығыс жылу» компаниясының хабарлауынша, ТК-668 нүктесінен бастап «Анура», «Әлем», «Қайнар», «Жәрдем» сауда орталықтарына, сондай-ақ «Қазақтелеком» және Өскемен қалалық полиция басқармасының ғимараттарына баратын жылу желісін қайта қосу кезінде құбырдағы арматурада ақау бар екені анықталған.

«Осыған байланысты магистральды жылу желісін аз уақытқа ажыратып, арматураны ауыстыру туралы шешім қабылданды. Жөндеу жұмыстары сағат 17:00-ге дейін жалғасады»,  деп мәлімдеді «Шығыс жылу» компаниясы.

Еске сала кетсек, бұған дейін Өскеменнің бас прокуроры қызметінен уақытша шеттетілді. БАҚ пен әлеуметтік желілерде Шақпантаев қол астындағы қызметкерлерді ұрды деген ақпарат тарады.