Өскеменде автобус жаяу жүргіншіні қағып кетті

Автобус жүргізушісі жаяу жүргіншіні қағып кетті, ол алған жарақатынан сол жерде қайтыс болды.

ШҚО полиция департаментінің мәліметінше, 28 қараша күні сағат 6:00 шамасында Абай даңғылында жол-көлік оқиғасы орын алған.

«Гаванский көпірі» аялдамасы ауданында жол-көлік оқиғасы орын алды, автобус жүргізушісі жаяу жүргіншіні қағып кетті, ол алған жарақатынан оқиға орнында көз жұмды» деп хабарлады ШҚО ІІД.

ҚР Қылмыстық кодексінің 345-бабының 3-бөлігі бойынша сотқа дейінгі тергеу амалдары жүргізілуде.