Өскемен автотұрағында көлік өртенді

Өскеменде автотұраққа қойылған көлік кенеттен өртеніп кетті.

Өрт Космическая көшесінде болған. 1993 жылғы BMW 318 I көлігі тұрақта тғрған жерінде өртенді. Көліктің қозғалтқыш бөлігі, аспаптар панелі және салоны өртенген.

«Шығыс Қазақстан облысы Төтенше жағдайлар департаментінің мамандандырылған өрт сөндірушілері 4 шаршы метр аумақтағы өртті сөндірді. Өрт сөндірушілер жалынды тез арада ауыздықтап, оның жақын жерде тұрған көліктерге таралуына жол бермеді» деп хабарлады ТЖД. 

Өртті сөндіруге тоғыз өрт сөндіруші қатысты. Өрттің алдын ала себебі - қозғалтқыш бөлігіндегі электр сымдарының тұтануы.