Өскемен әкімі Жақсылық Омар аяқасты қызметінен кететінін мәлімдеді

Өскемен қаласының әкімі Жақсылық Омар өз қызметінен кететінін мәлімдеді. Ол бұл лауазымды 6 жыл 3 ай бойы атқарған, деп хабарлайды Orda.kz.

Алматы облысының тумасы Жақсылық Омар мемлекеттік қызметін мәдениет және ақпарат министрлігінде жұмыс істеп 2001-2005 жылдары бастады. Кейін ол қаржы министрлігі, Республикалық телерадиокорпорация және Шығыс Қазақстан облысында бірнеше маңызды лауазымдарда қызмет атқарды. 2018 жылы Өскемен қаласының әкімі болып тағайындалды, осы кезеңде ол қала инфрақұрылымын жақсарту мен өңір экономикасын дамыту бойынша көптеген жобаларды іске асыруға атсалысты.

Еске сала кетсек, Orda.kz бұған дейін Өскеменде бір топ риддерлік белсенділер экология тақырыбында  акция өткізгені жайлы жазған болатын. Халық Шығыс Қазақстан облысындағы қоршаған ортаның, оның ішінде өзендердің жүйелі ластануы, топырақтың улануы, сондай-ақ атмосфераға тұрақты шығарындылар мәселесіне жұртшылық пен билік өкілдерінің назарын аударуға тырысты.