ОСК Тоқаевты президенттікке ұсыну механизмін нақтылады

Орталық сайлау комиссиясы қоғамды қызықтырған Қасым-Жомарт Тоқаевтың алдағы президенттік сайлауға кандидатурасын қалай ұсынатынын түсіндірді.

Президенттікке кандидаттарды республикалық қоғамдық бірлестіктер ұсынады. Қоғамдық бірлестік өздеріне мүше емес кандидаттарды да ұсынуға құқылы. Сондықтан ережеге сәйкес тіркелген кез келген РҚА-ны ұсына алады.

— Республикалық қоғамдық бірлестіктің съезд немесе конференция өкілдік ететін жоғары органы болуы мүмкін. Қоғамдық бірлестік өзіне мүше емес кандидаттарды да ұсынуға құқылы. Саяси партиядан ұсынылу үшін кандидаттың сол партияның мүшесі болуы шарт емес,- деді ОСК төрағасының орынбасары Константин Петров.

2022 жылдың сәуірінде «Аманат» (бұрынғы «Нұр Отан») партиясының кезектен тыс съезінде Тоқаев осы партияның төрағасы қызметінен кететінін және оның қатарынан шығатынын мәлімдеді.