ОСК Сенат сайлауы бірінші кезеңінің қорытындысын шығарды
Жоғарғы палатаның ағымдағы сайлауы статистикалық көрсеткіштер бойынша рекорд жаңаруда. Дауыс беру рәсімі 2023 жылдың 14 қаңтарында өтеді.
29 қараша мен 14 желтоқсан аралығында республика бойынша Сенат сайлауына 130 адам өз кандидатурасын ұсынды. Жоғарғы палатада 20 орын бар. Еске салайық, 2020 жылы Сенат депутаттығына 94, 2017 жылы - 89, 2014 жылы - 88 үміткер ғана өтініш білдірген.
ОСК мәліметінше, бір мандатқа орта есеппен алты үміткерден келеді.
Науқан 14 желтоқсанда аяқталды. Енді 24 желтоқсанға дейін ОСК кандидаттар өтініштерінің шарттарға сәйкестігін тексеріп, тіркеуі керек. Осы уақытқа дейін 49 адам бұл процедурадан өткен.
Үміткерлердің басым бөлігі жаңадан құрылған Абай, Қызылорда облыстары мен БҚО (сегіз адам), Алматы мен елордадан 10 адамнан. Ең азы Ақмола, Ақтөбе, Алматы, Шығыс Қазақстан, Жамбыл, Қостанай, Павлодар, Солтүстік Қазақстан облыстарында – бес адамнан, Шымкент алты үміткер ұсынып көш бастап тұр.
Бір қызығы, кандидаттардың 97,7 пайызы өзін-өзі ұсыннғандар болса, 2,3 пайызын ғана мәслихаттар ұсынған.
Үміткерлердің орташа жасы 50,5 жасты құрады. Ең кішісі 30 жаста, ең үлкені 74 жаста.
Сенатқа депутаттарды ұсынудың бұл циклі әйелдер үшін рекордтық көрсеткіш болды – 33 кандидат. Салыстыру үшін: 2020 жылы өтініштер саны 19-ға жетіп тоқтаса, 2017 жылы олардың саны одан да аз – 13, ал 2014 жылы – бесеу ғана болды.
Мамандықтардың ішінде инженерлер мен оқытушылар көш бастап тұрса, ең азы журналистер мен саясаттанушылар. Бұл ретте 48 үміткер мемлекеттік қызметте, 36-сы коммерциялық құрылымдарда жұмыс істейді. Өтініш бергендердің қатарында уақытша жұмыссыздар мен екі зейнеткерге орын берілді.
ОСК кандидаттардың сайлауалды үгіт-насихат жұмыстарына жұмсалған шығыстары республикалық бюджет есебінен жабылатынын қосты. Әрқайсысына 550 мың теңгеден бөлінеді. Оның 400 000-ы теледидар мен радиоға шығуға немесе мерзімді баспасөзде екі мақала жариялауға арналған. Сайлау алдындағы бұқаралық шараларды өткізуге және үгіт-насихат материалдарын шығаруға 70 000 теңге, көлік шығындарына 80 000 теңге қарастырылған.
Үміткерлер бұл сомамен шектеліп, сайлау қорын құра алмайды.
Еске салайық, Сенат сайлауы үш жыл сайын өтеді. Бұл жолы ол 14 қаңтарға белгіленген, нәтижесі қаңтардың соңында айқындалады.
Жаңалықтар
- Грузия 1 маусымнан бастап туристер үшін кіру шарттарын өзгертеді
- Шымкент әкімі Ұлы Отан соғысы ардагерлеріне пәтер сыйлады
- Армения ҰҚШҰ-ның мүшесі болып қала береді – БАҚ
- Сирия Қорғаныс министрлігі Израильдің Дамаскке соққы бергенін хабарлады
- Катар Шығыс Қазақстанда су электр станциясын салуы мүмкін
- Бюджет шығыстарының төрттен бірі мемлекеттік қарызды өтеуге жұмсалады
- Су тасқынының екінші толқыны екі облыста жалғасуда
- Қазақстан әйелдер денсаулығының әлемдік рейтингінде Ұлыбритания, Франция және Ресейден алда
- Астанада рейд кезінде тәркіленген 10 тонна насыбай өртенді
- Құлсарыда тәулігіне 70 мың текше метр су сорылды
- Жоғары Еуразиялық экономикалық кеңестің мерейтойлық саммитіндегі Тоқаевтың сөзі
- Жастар арасындағы Азия чемпионатында қазақ боксшылары 14 алтын медаль жеңіп алды
- 1 маусымда Алматыда орташа жол жөндеу жұмыстары басталады
- Беларусьте тактикалық ядролық қару сынақтан өтеді
- Қырғызстан Қазақстанға транзиттік тәуелділігін азайтпақ
- Батырдың жүз жылдығына орай Астана мектебіне Рақымжан Қошқарбаевтың есімі берілді
- Jusan Bank-тің жай акцияларының иелері дивиденд алмайды
- Голан төбесінде Қазақстан туы желбіреді
- Қырғызстан мен Тәжікстан шекарасында атыс: зардап шеккендер бар
- Тоқаев «Отан Ана» мемориалына гүл шоқтарын қойып, ардагерлерді Жеңіс күнімен құттықтады