ОСК сайлаудың алдын ала қорытындыларын жариялады

Қазақстан Республикасының Орталық сайлау комиссиясы парламенттік сайлаудың алдын ала қорытындыларын шығарды.

Алдын ала есептеулер бойынша дауыстар келесідей бөлінді:

• Аманат – 53,90% немесе 3 431 510 сайлаушы;

• «Ауыл» – 10,90% немесе 693 938 сайлаушы;

• Республика – 8,59% немесе 547 154 сайлаушы;

• ҚХП – 6,80% немесе 432 920 сайлаушы;

• Байтақ – 2,30% немесе 146 431 сайлаушы;

• «Ақ жол» – 8,41% немесе 535 139 сайлаушы;

• ЖСДП  – 5,20% немесе 331 058 сайлаушы;

• Барлығына қарсы – 3,90% немесе 248 291 сайлаушы.

ҚР Орталық сайлау комиссиясының төрағасы Нұрлан Әбдіров кеше кешкісін Қазақстандағы және шет елдердегі барлық сайлау учаскелерінде сайлаудың қорытындылары есептелгенін айтты.

Барлығы 12 035 578 қазақстандық дауыс бере алды. Бұл құқықты 6 366 441 адам пайдаланған.

Астанадағы бір мандатты үміткерлер арасындағы үздік үштікті Дәулет Мұқаев (51 769 дауыс) бастады. Екінші орында Бақытбек Смағұл (21 178 дауыс), үшінші орында Азаматхан Әміртаев (12 261 дауыс).

Алматыда заңгер, «Аманат» партиясының  кандидаты Бақытжан Базарбек, сондай-ақ өзін-өзі ұсынған Ерлан Стамбеков пен Ермұрат Бапи жеңімпаз атанды.

Шымкентте – Данабек Исабеков пен Болатбек Нәжметдинұлы.

Мәжіліс депутаттығына кандидаттар дауыс беру және дауыстарды санау процестеріне көңілі толмайды, оларды заңсыз деп санайды. Сайлауды ұйымдастырудағы мұндай көзқарас Жаңа Қазақстан тұжырымдамасын толығымен жоққа шығарады, деп атап өтті кандидаттар.