Қошанов мәжілістегі «Нұр Отан» фракциясын басқаратын болды

Парламент төменгі палатасының спикері Ерлан Қошанов «Нұр Отан» партиясының мәжілістегі фракциясын басқарды, деп хабарлады палатаның баспасөз қызметі.

«Отырыста «Нұр Отан» партиясының мәжілістегі фракциясының басшысы болып Ерлан Қошанов сайланды» делінген хабарламада.

Еске салсақ, Қошанов 1 ақпанда мәжіліс спикері болып сайланған болатын.

Ерлан Қошанов туралы не белгілі?

Ерлан Қошанов 1962 жылы Қарағанды ​​облысында дүниеге келген. Қарағанды ​​политехникалық институтын, кейін Қазақ мемлекеттік басқару академиясын бітірген.

Осы жылдар ішінде Ерлан Қошанов парламенттегі Қазақстан үкіметінің өкілі, премьер-министр кеңсесі басшысының орынбасары, президент әкімшілігі басшысының орынбасары, көлік және коммуникация вице-министрі, азаматтық авиация комитетінің төрағасы қызметтерін атқарды.

2012 жылғы 2 ақпанда үкімет қаулысымен ҚР премьер-министрі кеңсесінің басшысы болып тағайындалды.

2017 жылы Қарағанды ​​облысын басқарды, 2019 жылдың маусымында оның өкілеттігі ұзартылды.

2019 жылдың қыркүйегінде Қазақстан президенті әкімшілігінің басшысы болып тағайындалды.