Орысша айтпаймын! Қазақстанда тұрамыз! - Геннадий Шиповских 

Депутат Геннадий Шиповских журналистің қойған сауалына орысша жауап беруден бас тартып, қазақша сөйледі.

ҚР Мәжілісінің депутаты, қазақ тіліне жетік азамат журналистің тосыннан қойған сауалын тойтарып тастады. Депутат орыс тілінде сөйлеуден бас тартып, заңдық негізге жүгінді. Оның айтуынша, баяндаманы орыс тіліне аударып алу - сауал қойған тараптың міндетіне кіреді. Ал депутаттың өзі қазақ тілінің мәртебесін жоғары қойып, мақтан тұтатынын ісімен паш етіп келеді.

- Кешеден бері осы видео аздап болса да әлеуметтік желіні жаулап алды. Менің ойымша бұл жерде ешқандайда тілге дискриминация болған жоқ. Бар болғаны өзіміздің мемлекеттік тілімізді сыйлай және кұрметтей білу. Ал кез келген БАҚ өкілдерінің аударма бөлімі барына мен толығымен сенімдімін, - деді Геннадий Шиповских.

Видеоны сілтемеден көруге болады.