Орындықтар жарылып жатыр: AZAL экипажының апат алдындағы соңғы сөздері

Ақтаулағы AZAL ұшағының апат алдындағы соңғы минуттарда ұшқыштардың диспетчерлерге не хабарлағаны белгілі болды, деп жазады Orda.kz.

Орындықтар жарылды, оттегі таусылып барады, жолаушылар есінен танып жатыр деп, басқару жүйесі істен шыққаны жайлы ұшқыштар хабарлаған.

 05:15:57 –  «Грозный, басқару жүйесі істен шықты, кабинаға құс соғылды. Аа, құс соғылды, екі орындық жарылды!»

05:16:08 – Грозный диспетчері: «Әзірбайжан 243, түсіндім, қандай көмек қажет?»
«Бізге... Бізге ең жақын, ауа райы қолайлы әуежай керек...»

05:16:54 – «Қатты соққы болды, артқы орындықтар жарылған... Бортинженер хабарлады. Біз Минералды Суларға бағыт алдық, ол жақтың ауа райын айтып беріңізші!»

05:19:04 – «Мен 150 биіктігін ұстай алмаймын, кабинадағы қысым жоғарылап барады...»

05:22:59 –  «Байланыстамын, гидравлика істен шықты...»

 05:23:11 – «Біз орындай алмаймыз, нақты курс беріңіздер, Махачкалаға барамыз...»

05:26:58 – «Әзірбайжан 243, Ростов бақылауымен байланысқа шығыңыз... Одан әрі Бакуге бет аламыз.»

05:36:01 – «Жоқ, біз Бакуге барамыз.»

05:39:35 –«Әзірбайжан 243, борттағы отын 38030, қозғалтқыштар жұмыс істеп тұр, бірақ элерондар мен биіктік рөлі істен шықты.»

05:42:40 – «Онда,  Ақтауға бет аламыз.»

05:45:49 – «Өрт сөндірушілер, эвакуация... дәрігер!»

05:52:39 –«Жағдай қиындап барады, жолаушылар кабинасындағы оттегі таусылуға жақын, жолаушылар, баллон... Отынның иісі шығады, кейбір жолаушылар есінен танып жатыр...»

06:02:47 –Mayday, mayday, mayday! Әзірбайжан 243, Ақтау диспетчері, басқару рулдері істемейді, біз газ секторларын қолданып басқарудамыз, шұғыл қонуға рұқсат сұраймыз!»

06:03:44 – «Иә, қайталаңызшы, Әзірбайжан 243...»

Апат алдындағы соңғы минуттар – толық басқару жүйесінің істен шығуы, жарылыстар, оттегінің таусылуы және жолаушылардың есінен тануы.