Орталық Азия елдерінің президенттері Ташкентте қандай келісімдер жасады

Орталық Азия елдерінің Президенттері VII Консультативтік кездесудің қорытындысы бойынша бірқатар құжаттарға қол қойды, деп хабарлайды Orda.kz.       

Орталық Азия мемлекеттері басшыларының VII Консультативтік кездесуінің қорытындысы бойынша президенттер келесідей құжаттарға қол қойды:

• VII Консультативтік кездесудің қорытындысы бойынша Орталық Азия мемлекеттері басшыларының бірлескен мәлімдемесі.
• Орталық Азия мемлекеттері басшыларының 2027-2028 жылдар кезеңінде БҰҰ Қауіпсіздік Кеңесінің тұрақты емес мүшелігіне Қырғыз Республикасының кандидатурасы бойынша БҰҰ-ға мүше мемлекеттерге Үндеу.
• Әзірбайжанның Орталық Азия мемлекеттері басшыларының консультативтік кездесуіне толық құқылы қатысушы ретінде қосылуы туралы шешім.

 Орталық Азия мемлекеттері басшыларының бірлескен мәлімдемесі келесі құжаттарды мақұлдады:

• Орталық Азиядағы өңірлік қауіпсіздік, тұрақтылық және орнықты даму тұжырымдамасы.
• Орталық Азияның 2026-2028 жылдарға арналған қауiпсiздiк қатерлерiнiң каталогы және олардың алдын алу жөнiндегi шаралар.

Құжаттарға қол қою алдында Қасым-Жомарт Тоқаев Орталық Азия мемлекеттері басшыларының VII Консультативтік кездесуіне қатысты.

Қазақстан мен Өзбекстан Президенттері Жоғары мемлекетаралық кеңестің екінші отырысын өткізіп, екіжақты ынтымақтастықтың негізгі мәселелерін талқылады.