Орталық сайлау комиссиясына жаңа хатшы сайланды

Қазақстандағы Орталық сайлау комиссиясының жаңа хатшысы сайланды. Бұл туралы ОСК баспасөз қызметі мәлімдеді.

- Нұрлан Әбдіров ОСК отырысын өткізді. Онда «Қазақстан Республикасындағы сайлау туралы» Конституциялық заңның 11-бабы 2-тармағына сәйкес Мұхтар Ерман Орталық сайлау комиссиясының хатшысы болып сайланды, - делінген хабарламада.

Айта кетейік, Мұхтар Ерман 30 наурызда Орталық сайлау комиссиясының мүшесі болып тағайындалған еді.

Бұған дейін Орталық сайлау комиссиясының хатшысы қызметін атқарған Анастасия Щегорцова ОСК мүшесі ретінде жұмысын жалғастырады.