Орта бизнестен зор үміт күтіп отырмыз – Смайылов

Әлихан Смайылов орта бизнес өкілдерімен кездесу өткізіп, өңдеу өнеркәсібін дамытуға қатысты кең ауқымды мәселелер қаралды.

Үкіметтің баспасөз қызметі хабарлағандай, жиынға Астана, Алматы және Шымкент қалаларының кәсіпкерлері, «Атамекен» ҰКП, сондай-ақ министрлер, қала әкімдерінің орынбасарлары мен кәсіпкерлік бастамаларды дамытуға және мемлекеттік қолдауға жауапты квазимемлекеттік сектор басшылары қатысты.

«Орта бизнестен зор үміт күтіп отырмыз. Ол бәсекеге қабілетті өнім шығаратын және кең ауқымды қызмет көрсететін өңдеуші сектордың қозғаушы күшіне әрі драйверіне айналуы тиіс» деп атап өтті Әлихан Смайылов.

Кездесу барысында қатысушылар:

• қаржыландырудың қолжетімділігін қамтамасыз ету;
• өнім көлемін ұлғайту;
• импортты алмастыру және жаңа өндіріс орындарын дамыту;
• мемлекеттік қолдау бағдарламаларын жүзеге асыру;
• мемлекеттік сатып алу, салық салу, сертификаттау;
• индустриялық аймақтар мен индустриялық парктерді дамыту;
• инновацияларды енгізу;
• экспорт;
• жұмыс орындарын құру, кадр даярлау және тағы басқа мәселелерді талқылады.