«Орта Азиядағы маскүнем ел»: Еліміздің қай аймағының тұрғындары көп ішеді?

Қазақстандықтар алкоголь тұтыну бойынша Орталық Азияда көшбасшы болып отыр, ал оған кететін шығындар үнемі өсіп жатыр. Әрбір отбасы орташа есеппен 5,5 мың теңгесін алкогольдік сусындарға жұмсайды, бұл өткен жылмен салыстырғанда 8,1% көп, деп хабарлайды Orda.kz.

Energyprom мәліметтеріне сүйенсек, алкогольге ең көп ақша жұмсайтын аймақтар арасында Шығыс Қазақстан облысы көш басында екен. Өңір тұрғындары 9,5 мың теңге жұмсаған, бұл жыл басымен салыстырғанда 14,8% артық. Үштікке Павлодар облысы мен Алматы кіреді.

Әлемдік контексте Қазақстан жан басына шаққанда алкоголь тұтыну бойынша 100-орында. Яғни, жылына 5 литр.

Бұл тізімде Латвия, Молдова және Германия алдыңғы қатарда, онда көрсеткіш жылына 13 литрге дейін жетеді.

Бір қызығы, Қытай алкоголь өндірісінен түскен кірістер бойынша көшбасшы болып отыр (336 миллиард доллар). Бірақ адам басына шаққанда алкоголь тұтыну бойынша 87-орында — жылына 6 литр.