Қоршауда қалған белсенділер дәретханаға сұранды, бірақ полиция жібермеді

Алматыда полиция жасағы парламент сайлауына бойкот жариялап, митингіге шыққан тіркелмеген «Демпартия» мен «Oyan, Qazaqstan» қозғалысының өкілдерін түскі сағат 12-ден бері қоршап тұр. Полиция белсенділерді дәретханаға да жібермеді.

Оқиға орнында жүрген ORDA. тілшісінің хабарлауынша, полиция екі ұйым белсенділерін бір-біріне жеткізбей, екі жерден қоршауға алған.

ORDA. тілшісі полициядан белсенділерді не себепті жібермей жатқананын сұрады, бірақ олар жауап бермеді.

Сол жерде жүрген құқық қорғаушы Маржан Аспандиярова полиция әрекетін «адам құқығын шектеу» деп сипаттады.