Орданың назарына іліккен оқиғаларға бірге ой жүгіртейік

Wall Street Joyrnal тергеу жариялады! Пригожин көтерілісі кезінде Ресей билігі Қасым-Жомарт Тоқаевтан көмек сұрапты, бірақ Ақорда қабылдамаған. Баспасөз хатшысы Берік Уәли бұл ақпаратты шындыққа жанаспайды деп атады.

Назарбаев Мәскеуде Путинмен кездесті. Кездесу құпия түрде өтті, бұл туралы бірде-бір баспасөз қызметі хабарлаған жоқ.

Бұрынғы президенттің туған ағасының ұлы Қайрат Сатыбалдыны шартты түрде мерзімінен бұрын босатудан бас тартылды, бірақ тағы бірнеше миллиард қайтару сұралды.

Ресей қазақстандықтарды өз еліне тұрақты тұруға белсенді түрде шақырып, ешқандай кедергісіз азаматтық бермекші. Дегенмен көрші елдің азаматы атанудың жеңіл мүмкіндігі әскерге шақыру науқанымен тұспа-тұс келіп тұр.

Ешкім бөтенннің соғысы үшін жанын пида еткісі  келмейтіні жасырын емес. Ресей мен Украинада ең қауқарсыз, жаншылғандар майданға алынады. Әлеуметтік желіде өшпенділік тудыратын жазба жариялап, қалада жылы төсекте жатқандар орнын  «окопқа» айырбастағысы келмейтіні де шындық.

Қар жауса еліміздің қалалары тығырыққа тіреледі. Табиғаттың ең бір әсем кезі біздің елімізде жаппай жанталасқа айналады.  

Қылышын сүйреткен қыс биыл кешігіп болса да есігімізден аттағаны сол еді - Жезқазған мен Қостанайдағы жылу электр станцияларында тағы апат болды.Тозығы жеткен жылу жүйесінің  қабырғасы қақырай бастағаны қай заман.

Маңғыстаудағы мұнай сервистік компания қызметкерлерінің ереуіліне қатысты қылмыстық іс қозғалды, прокуратура бұл әрекетті заңсыз деп санайды.

Ал қазақ мұнайын әлемде «The King of Kazakhstan» деген атаумен танылған монополистке сатуды кім бастайды.

БІЗДІҢ ОРДА АЙШЫҚТЫ ОЙЛАРЫМЕН БӨЛІСЕДІ. Бірге талқылайық.