Қордайдағы тәртіпсіздікке қатысқандар 17 жылға сотталды

27 сәуір 2021 12:27 Редакция

Жамбыл облысының сотында Қордай ауданындағы жаппай тәртіпсіздік ісі бойынша үкім шығарылды.

Толығырақ Orda.kz сайтында.

Сотталушылар орындығында 51 адам болды, олардың біреуі кінәсінің дәлелденбегені үшін ақталды. Тағы 19 адам түрме жазасын алды. Олар бес жылдан 17 жылға дейін бас бостандығынан айрылды.

Сондай-ақ, 31 адам залалды өтегендіктен бір жылдан бес жылға дейінгі шартты мерзімге сотталды. Келтірілген залалдың жалпы сомасы – 800 млн теңгеден асады.

Сотталушыларға бірден бірнеше қылмыстық бап тағылды. Олардың қатарында «қару мен оқ – дәрілерді заңсыз сақтау», «кісі өлтіру», «қорқыту» және «қарақшылық», «полиция қызметкерлерінің өміріне қол сұғу», «жаппай тәртіпсіздіктерді ұйымдастыру» бар.

Іс бойынша 366 адам жәбірленуші болып танылды. Айыпталушыларды 60-тан астам адвокат қорғады. Іс 400 томнан тұрды.

Бұған дейін, 2020 жылдың 29 қыркүйегінде Алматы гарнизонының әскери соты Жамбыл облысы Қордай ауданы ауылдарындағы тәртіпсіздіктерге жеті қатысушыны соттаған болатын.

2020 жылдың 7 ақпанына қараған түні Жамбыл облысындағы Қордай тәртіпсіздігінің салдарынан 11 адам қаза тапты. Жүзден астам адам жарақат алды. Екі жүзге жуық үй мен кәсіпорын қирап, 100-ге жуық автокөлік өртенді. Жанжалға мыңға жуық адам қатысты. 120 қылмыстық іс қозғалды.

Жаңалықтар

барлық жаңалықтар