Orda.kz тікелей эфирінде пікірталас: Тайжан жемқорлықтан құтылудың жолын тапты

Ел дамуына ықпал ететін факторлардың қатарында Мұхтар Тайжан жаңа Конституцияның қабылданғанын атап өтті.

Бұл туралы ол YouTube-тегі Orda.kz арнасының тікелей эфирінде Парламент Мәжілісі сайлауына өзін-өзі ұсынған кандидаттардың пікірталасында мәлімдеді.

— Егер «Самұрық-Қазына» қорын, «Бәйтерек» холдингін, квазимемлекеттік монополия секторын алып тастасақ, жемқорлық азаяды. Президент Тоқаев алып тастаймын деп, қайта қоятын осындай бірыңғай операторларды алып тастасақ, жемқорлық болмайды. Монополия болмаса, жемқорлық та болмайды. Бұл жерде жеке сектордың жандануына мүмкіндік береміз. Жеке сектор жұмыс орындарын ашады, халқымыз өз ақшасын таба алады. Бірақ біз ЕАЭО-дан шықпайынша ешқашан өз өндірісіміз болмайды, - деген болжамымен бөлісті Тайжан.

Ел дамуына ықпал ететін факторлардың қатарында Мұхтар Тайжан жаңа Конституцияның қабылданғанын атап өтті.

— Қолданыстағы Конституция толығымен Назарбаевтың конституциясы. Тоқаевта Назарбаев сияқты диктаторлық билік бар. Бізде билік бөлінісі жоқ. Бізге Сенат керек емес. Бізге қазіргіден үш есе көп адам кіретін парламент керек. Олардың тең жартысын мажоритарлық жүйе таңдауы керек, - деді Тайжан.

Өз кезегінде экономикалық ұлтшылдық қозғалысының жетекшісі Айбек Барысов Тайжанға Назарбаевтың тұсында жұмыс істегенін есіне салды.

— Ол басқа заман, басқа Қазақстан, тіпті Назарбаевтың өзі басқа еді. Мен экономиканы талдап, жазған қарапайым күрескер болдым. Назарбаевтан бір тиын да алған жоқпын. Әкем көп жыл вице-министр болды, бірақ басқалар сияқты бірде-бір балабақшаны жекешелендірмедік. Сондықтан онымен ешқандай байланысым жоқ. Мен бұрын қайда болдым? Мен 2009 жылдың қараша айынан бастап көпшілік алдында сөйлеп, осы жылдар бойы халықпен бірге болдым, – деп жауап берді Тайжан.