Orbis Group су тасқынынан зардап шеккендерге бір миллиард теңге жібермек

Orbis Group басшылары Фаррух пен Сухраб Махмудов «Нефтегаз Капитал» компаниясымен бірлесіп, су тасқынынан зардап шеккен қазақстандықтарға көмек ретінде бір миллиард теңге бөледі, деп хабарлайды Orda.kz порталы.

Бұл ақша Батыс Қазақстан облысына су тасқынынан кейін баспанасыз қалған тұрғындарға баспана салуға, қалпына келтіруге және сатып алуға жұмсалады.

«Осы қиын кезеңде баспанасыз, күн көріссіз қалған отандастарымызға көңіл айтамыз. Мемлекет басшысы Қасым-Жомарт Тоқаевтың халыққа көмек қолын созуға шақыруын қолдауды парызымыз деп санаймыз.
Біздің қатысуымыз мемлекеттің, бизнес өкілдерінің және барлық мүдделі қазақстандықтардың қолдау шараларымен бірге отандастарымыздың осы жойқын табиғи апаттан тезірек сауығып, қалыпты өмірге оралуына көмектеседі деп үміттенеміз», - деді Фаррух Махмудов.