Орануға тыйым салынады

Қазақстанда қоғамдық орындарда діни киім киюге тыйым салынады.

Бұл туралы мәжіліс депутаты Ермұрат Бәпи хабарлады,.

Парламент күзде дінге және басқа ағымдарға қатысты мәселені қолға алатын заң жобасын енгізуді жоспарлап отыр. 

«Күзде осы заң енгізіледі. Біз оны талқылап барып, қабылдаймыз. Қабылданғаннан кейін елде көптеген мәселелер шешілетін болады. Соның ішінде мектепке хиджабпен бару жайлы даулы мәселе шешілейін деп тұр. Бұған үзілді-кесілді тыйым салынады. Мен осы заң жобасының бастамашыларының бірімін және отырыста бұл жайлы талқылайтындықтан егжей-тегжейін ашып айта алмаймын», –деді Ермұрат Бәпи.

Сондай-ақ, қоғамдық орындарда пәрәнжі киюге тыйым салынады. Ескертуді тыңдамағандарға  айыппұл салынады.

Депутаттың айтуынша, заң жобасы мемлекеттік органдарда қаралып жатыр.