Оралман әйел қазақша сөйлей алмайтындарды қатты сынға алды

Өзбекстаннан келген оралман әйел Қазақстанда тұрып, қазақша оқып, қазақша жаза алмайтындарды сынға алды.

Желі қолданушылары әйелдің видеосын қызу талқылап жатыр.

«Иә, қарап тұрсам, маған қарсы көп әңгіме айтып жатсыңдар. Қарақалпақ, өзбек деп жатсыңдар. Былай қарап тұрсам, кім соның бәрін жазған болса, тарихты оқымағансыңдар, топассыңдар, білесіңдер ме, топассыңдар! Ташкент баяғыдан Төле бидің жатқан жері, білесіңдер ме? Баяғыда қазақтың жері болған. Сорлы қазақтар, топассыңдар! Қазір маған қарап тұрып, олайсың-бұлайсың деп жатсыңдар.  Иә мен орысша оқығанмын, өзбекше оқығанмын, иә мен қазақша оқымағанмын. Ал не істей аласыңдар? Сендер Қазақстанда тұрып, қазақша оқымағансыңдар, қазақша жаза алмайсыңдар! Көбің қазақша түсіндіріп айта алмайсыңдар да. Не деп тұрсыңдар, өздерің!? «Air Astana-да» болған оқиғаны қараңдаршы, сорлылар!» деді ашулы келіншек.

Сондай-ақ, ол қазақша сөйлей алмайтындарды есекке теңеді.

«Жат жұртта, басқа мемлекетте тұрсақ та салтымызды, өз тілімізді жоғалтпадық. Ал сендер өз отандарыңда тұрып қазақ тілінде сөйлей алмайтын есексіңдер!» деді видеодағы әйел.

Әзірге әйелдің кім екені белгісіз.