Оралдың қақ ортасында жаппай төбелес болды

Орал қаласында суық қару қолданылған жаппай төбелес болды, деп хабарлайды Orda.kz.

Төбелес видеосын  ZTB telegram арнасы жариялады. Оқиға Шолохов көшесіндегі Venoil жанармай құю станциясының алдында болды. Бейнежазбаға түсіп қалған төбелесте атыс дыбыстары естіледі. 

Полиция департаментінің мәліметінше, қақтығыс қаланың бір түнгі клубында басталған. Сол жерде  ер адам клубқа келген адам мен күзетшіге пышақ жарақатын салған соң қашып кетуге тырысқан. Оны қуып бара жатқан қауіпсіздік қызметкерлері жанармай құю станциясына жеткенде оны тоқтатып, сол жерде төбелес басталды.

Қазіргі уақытта түнгі клубтағы шабуылға қатысы бар ер адам тергеуде. Сондай-ақ, күзетшілердің бірі уақытша ұстау изоляторына қамалып, тергеу жұмыстары жүргізіліп жатыр.