Оралды Ресейге беріңдер! - ер адам істі болды

Оралды Ресейге беру керек деген Батыс Қазақстан облысының тұрғындарына қатысты араздық тудыру фактісі бойынша тергеу басталды.

29 қарашада Оралдың әлеуметтік желілерінде, TikTok желісінде сөйлескен ер адам мен екі жігіттің Қазақстанға әскери агрессия жасалған жағдайда Ресей әскерлеріне қолдау көрсетуге дайын екендіктерін мәлімдеген жанжалды видео пайда болды, деп хабарлайды uralskweek.kz .

Видеоға қатысушылар анықталды, олар БҚО тұрғындары болып шықты. Видеода олар шетелдік азаматпен сөйлесіп, Орал қаласы мен Чапаево ауылына дейінгі облыс аумағын Ресейге беру керектігін мәлімдейді. Ер адамдар ұсталды, 30 қарашада полицейлер сөздері үшін кешірім сұраған видео таратқан.

Қазір арандатушылық бейнероликке қатысушыларға қатысты ҚР Қылмыстық кодексінің 174-бабының 2-бөлігі «Бір топ адамдар жасаған әлеуметтік, ұлттық, рулық, нәсілдік, таптық немесе діни араздықты қоздыру» бойынша тергеу басталды.

«Оқиғаға қатысы бар тұлғалар анықталып, қажетті тергеу амалдары жүргізілуде. Тергеу мүддесіндегі басқа деректер жария етілмейді. Бұл дерек ҚР Қылмыстық кодексінің 174-бабының 2-бөлігі бойынша ТЖК-не тіркелді» деп хабарлады БҚО ПД баспасөз қызметі.