Оралдағы балалар өнер мектебінде өрт шықты

Оралда балалар өнер мектебінің шатыры өртенді. Бір қабатты ғимарат көпқабатты үйге іргелес болғандықтан, өртке бастапқыда 3-ші дәреже берілді.

Батыс Қазақстан облысы Төтенше жағдайлар департаменті баспасөз қызметінің мәліметінше, 2 қазан күні сағат 17:46-да Дерқұл ауылында өрт шыққан. Балалар көркемсурет мектебі орналасқан бір қабатты ғимараттың төбесінде рубероид төсеу жұмыстары кезінде газ-ауа қоспасы шығып, одан кейін өртенген.

Алдын ала мәлімет бойынша, өрт аумағы 40 шаршы метр болды.

Бастапқыда өртке 3 дәреже берілді. Оқиға орнына төтенше жағдай қызметінің 48 қызметкері мен тоғыз техника шықты.

«Оқиға орнына жеткенде 3-деңгей расталмады. Өрт орнында 9 адам жұмыс істеп, екі техника қатыстырылды. Өрт сөндірушілердің жедел әрекет етуінің арқасында өрттің таралуына тосқауыл қойылды. Оқиға салдарынан ешкім зардап шеккен жоқ. Өрт 18:00-де оқшауланып, 18:15-те сөндірілді» деп хабарлады ведомствоның баспасөз қызметі.