Оралдағы колонияда жаппай төбелес болып, 10 адам жарақат алды

10 мамырда сағат 05:00 шамасында БҚО бойынша ҚІІБ-нің РУ-170/2 мекемесінде орташа қауіпсіздіктегі сотталғандар арасында ауызша кикілжің орын алып, оның соңы бұзақылық әрекеттерге ұласты.

Бұл туралы ШҚО ІІД баспасөз қызметі хабарлады.

10 минуттың ішінде оқиға орнына кезекші жасақ келіп, төбелеске қатысқандардың барлығына алғашқы медициналық көмек көрсетті. Зардап шеккендер медициналық тексеруден өту үшін Орал қаласындағы облыстық көпсалалы ауруханаға жеткізілді. Сотталғандардың өмірі мен денсаулығына еш қауіп жоқ.

Аталған факті бойынша Орал қаласы Зачаганский ОПП қызметкерлері ҚР Қылмыстық кодексінің «Денсаулыққа қасақана орташа ауырлықтағы зиян келтіру» бабы бойынша сотқа дейінгі тергеу амалдарын жүргізіп жатыр.

Бүгінгі күні сотталғандардан арыз түскен жоқ. Қызметтік тергеу тағайындалды.