Оралда салықшы пара алғаны үшін 11 жылға бас бостандығынан айырылды

Облыстық Мемлекеттік кірістер басқармасының бас маманына 40 млн теңге көлемінде пара алмақ болды деген айып тағылды.

Бұл соманы Рауан Жексенғалиев кәсіпкерден салықтық тексеруден кейін оң қорытынды шығару үшін талап еткен. Антикорға арызды Оралдағы сауда үйлерінің бірінің директоры жазған.

Үкімді судья Шара Зайнуллина шығарды.

«Сот тергеуі барысында Жексенғалиевтің кінәсі толық дәлелденді. Сотталушының өзі кінәсін ішінара мойындап, алдау арқылы төрт миллион теңге алғысы келгенін түсіндірді. Сыбайлас жемқорлыққа қарсы қызметке арыз сауда үйінің директоры Жаманғариннен келіп түскен, ол ДГД бас маманы Рауан Жексенғалиев одан 40 млн теңге пара талап етіп жатқанын айтқан» деп жазды «Мой город» басылымы судьяға сілтеме жасап.

Сотталушы Рауан Жексенғалиев «Пара алуға оқталу» бабы бойынша қылмыс жасағаны үшін кінәлі деп танылды. Ол 11 жылға бас бостандығынан айыру жазасын қатаң режимдегі қылмыстық-атқару жүйесі мекемесінде өтейді. Сонымен қатар, сот оған өмір бойына мемлекеттік қызметте қызмет атқаруға тыйым салды.

Сотталушының туыстары мен адвокаттары бұл шешіммен келіспейтіндерін, үкімге шағымдануға ниетті екендіктерін жеткізді.

 — Іс бойынша сыбайлас жемқорлыққа қарсы қызмет тарапынан өрескел процессуалдық бұзушылықтар мен арандатушылық орын алды. Іс бойынша ешнәрсе дәлелденген жоқ, айып тек Жаманғариннің (жәбірленуші) берген куәлігіне негізделген. Хаттамада оның өзі Жексенғалиевті арандатып, бірнеше рет кездесулерге шақырғаны, тіпті ұсталған күні телефон соққаны да көрсетілген. Біз міндетті түрде шағым түсіреміз,- деді сотталушының адвокаты Гүлдерай Ғазизова.

Рауан Жексенғалиеваның әпкесі Динара ағасы Жаманғаринмен 30 жылдай дос болғанын, тіпті бір-бірін ағайынды дейтіндерін айтқан.

«Оны мұндай қадамға баруға не итермеледі, мен білмеймін. Бәлкім, оның лас істеріне көз жұмады десе керек. Жаманғарин бірнеше рет куәлігін өзгертті. Сот бәріне көз жұмып отырды, прокурор айыпты ештеңемен дәлелдей алмады. Ағамның кінәсі дәлелденген жоқ, оны біздің адвокаттар да дәлелдеді» деді Динара Жексенғалиева.

Үкім заңды күшіне енген жоқ және оған жарияланған күннен бастап 15 күн ішінде шағымдануға болады.