Оралда өрт салдарынан ер адам мен әйел қаза тапты

Өрт 31 тамызда Есенжанова көшесіндегі №1/1 көпқабатты тұрғын үйде болған. Шамамен 60 шаршы метр болатын аумақта сегізінші қабаттағы қосалқы бөлме өртенді.

Өрт сөндірушілер 18 адамды құтқарды,  27 адам эвакуацияланды. Екі адам қаза тапты.

«Пәтерлердің бірінде жанғыш заттардан улану белгілері бар 1973 жылы туған ер адамның денесі табылды. Сондай-ақ, 1979 жылы туған әйел жедел жәрдем көлігінде қайтыс болды» деп хабарлады ведомство.

1965 және 1937 жылы туған екі адам орташа дәрежедегі көмірқышқыл газымен улану диагнозымен ауруханаға жатқызылды.

Өрттің шығу себебін мамандар анықтап жатыр. Алдын ала нұсқа – отты абайсыз пайдалану.