Оралда қызға зәбір көрсеткен жасөспірімдер ұсталды

Оралда жасөспірімдер таяқ жеп жатқан қызды сақшылар құтқарып қалды, деп хабарлайды Orda.kz.

Көшені патрульдеу кезінде әскерилер көмекке шақырған дауыс естіген. 

«Біз қызды көріп, оған көмек қажет екенін түсіндік. Балалар арасындағы дау төбелеске айналған. Біз дереу араға түсіп, жағдайды реттедік», - дейді ұландықтар.

Қыздың анасы сарбаздар көмекке келмегенде баласының денсаулығына ауыр зардап келуі мүмкін екенін айтты. 

Жасөспірімдер полицияға тапсырылды, ал қызға медициналық көмек көрсетілді.