Оралда көз жұмған қыздың өлімі туралы жаңа ақпарат
Оралда Анастасия Чернаяның өліміне қатысты сот отырысы басталды. Қыздың жақындары оның жоғалып кеткені туралы былтыр қыркүйек айының басында хабарлап, оны бірнеше күн іздеген. Артынша оның күйген денесін тапқан.
Мой город басылымының хабарлауынша, күдікке Темірлан Аманғалиев ілінген. Бастапқыда бұл іс кісі өлтіру бабы бойынша қозғалса, кейін абайсызда жәбірленушінің өліміне әкеп соқтырған қасақана денсаулыққа ауыр зиян келтіру бабына ауыстырылды.
Сотталушының айтуынша, ол Анастасиямен несиелік аппарат орнатылған супермаркетте кездейсоқ танысқан. Ер адам көлік айыппұлын өтеу үшін қарызға ақша алмақ болған. Бойжеткен де несие алуға келгені белгілі болды.
«Мен түсінбей тұрдым. Сондықтан жеке куәлігімді оған бердім. Ол ұзақ бірдеңе жасады. Кейін тек 28 мың берілгенін айтты. Ол маған жетпеді. Қыз маған бұрынғы қарыздарымды төлемейінше, одан көп бермейтінін айтты. Ал бұрынғысын жабуға 20 мың теңге жетпей тұрды. Досыма телефон соғып, одан ақша сұрадым» дейді Аманғалиев.
Сотталушының айтуынша, ол марқұмның берген нөмірі бойынша есепшотқа ақша салған (Анастасия Чернаяның әкесінің нөмірі), содан кейін олар сауда үйінің артындағы аулаға кіріп кеткен. Сол жерде ол қызбен оңаша сөйлескен. Бірақ кейінірек айыпталушы Анастасиядан құжатын алуды ұмытып, кетіп қалған.
Есіме түскенде мен оған қоңырау шалдым. Бойжеткен алдымен жұмысқа орналасайын деп жүргенін айтып, кейін есірткі қажет екенін мойындады.
Сау басына сақина тілеп алды
«Сосын мен оған өзім телефон соғып, досымда СК (Скорость препараты) бар, ол қазір әкеліп береді деп өтірік айттым, оған менің жеке куәлігімді әкеліп беруін сұрадым. Мен үйден балалардың шырақтарын тауып алып, оны майда қылып, үгітіп, газетке орап апардым. Мен ол біліп қояды деп ойламадым. Анастасия келгенде біз онымен бірге кіреберіске бардық, мен оған қағазды бердім. Мен куәлігім қайда деп сұрап едім, ол сөмкеде екенін айтты. Оның сөмкесін алғым келді, ал ол тырнап, айқайлады, мен оны шетке лақтырғым келді. Бұлай қалай болғанын білмеймін. Менің өлтіретін ойым болмады, оны өлтіргім келмеді» деді айыпталушы.
Оның айтуынша, Анастасия кіреберістегі пешке басымен соғылып, бірден есін жоғалтқан. Ол қызға дем беруге тырысқанын, бірақ нәтиже шықпағанын айтты.
Кейін Аманғалиев мәйітті көрпеге орап, бос шкафқа салып, қосымша арқылы такси шақырған. Кейін ол шкафты өзінің үйіне Махамбет ауылына апарған.
Бірақ шкафты біреу аша ма деп қорқып, танысына оны қоқысқа лақтыру керектігін айтып, көмек сұраған. Қоқысқа лақтыруға да қорқып, оны айдалаға алып кеткен. Артынша ол қайта осы жерге басқа танысымен оралып, мәйітті сөмкеге салып, Ветелки ауылына қарай апарып, бензин шашып, өртеп жіберген. Ол барлық куәгерлерге ақбөкен етін «лақтырып» жатырмын деп айтқан.
Аманғалиев қамауға алынғаннан кейін өз кінәсін мойындаған. Сот отырысында белгілі болғандай, айыпталушы тергеу барысында қыздың қайда екені туралы бастапқыда ештеңе білмейтінін айтып, бірнеше рет айғақтарын өзгерткен.
Өлтірілген әйелдің анасы Анастасияның есірткі қолданғанын растады. Марқұмның артында кішкентай қызы қалды.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды