Оралда балаларды қағып кеткен жүргізуші уақытша жазадан босатылды

Оралда балаларды қағып кеткен жол талғамайтын көлік жүргізушісі уақытша босатылды.

Мой город басылымының хабарлауынша, шетелдік көлік мінген жүргізуші жол апаты кезінде сау болған.

Жол апаты 4 желтоқсан күні сағат 19:00 шамасында Майлин көшесінің бойында орын алды. Жасөспірімдер жол жиегінде келе жатып, Toyota Land Cruiser Prado көлігінің астына түскен. Жүргізуші көлікті тастап, оқиға орнынан қашып кеткен.

Кейін БҚО полициясы оның ұсталғанын хабарлады. Бүгін, 7 желтоқсанда БҚО полициясының баспасөз қызметі жүргізушінің ешқайда кетпеу туралы қолхатпен босатылғанын және жол-көлік оқиғасы кезінде сау болғанын хабарлады.

Қазір ҚР Қылмыстық кодексінің 345-бабы және 347-бабы бойынша тергелуде.

Облыстық денсаулық сақтау басқармасының баспасөз қызметі 16 жастағы екі жасөспірімнің де жағдайы ауыр екенін айтты. Оларға жабық бас-ми жарақаты мен ми шайқалу диагнозы қойылған.