Оралда асылып өлген мектеп оқушысы табылды

Батыс Қазақстан полициясы оқушының мәйіті қосалқы ғимараттан табылғанын хабарлады.

Бұл туралы Mой город хабарлайды.

Баланың әкесі жасөспірімнің тоғызыншы сыныпта оқитынын айтты.

«Ол отбасымыздағы екінші бала. Ұлым ақылды, көңілді, ақжарқын болды. Ол жақсы оқыды, достары көп еді.  Көрші балалармен жақсы араласты. Барлық жасөспірімдер сияқты сыныптастарымен, құрбыларымен дос болды. Спортпен айналысатын»,-  деді баланың әкесі.

Қайғылы күні әкесі баласының ұйықтап жатқанын соңғы рет жұмысқа кеткенде көрген. Қайтып келсем, аулада дәрігерлер мен полицейлер бар екен, дейді әкесі.

«Анам оны қорадан тапты. Мен оның өзін-өзі өлтіре алатынына сенбеймін», - дейді ер адам.

Полиция қазірдің өзінде тергеу жүріп жатқанын айтты.