Оралда орындықты шимайлаған қыздардың ата-аналарына айыппұл салынды

Оралда бірінеше тоғызыншы сыныпта оқитын қыздар ата-аналарымен бірге істеген қылықтары үшін жауап берді. Олар Тұңғыш президент саябағында тұрған орындықты шимайлап тастаған. Істеген істері бейнебақылауға түсіп қалыпты.

Бұл туралы Orda.kz хабарлайды.

Осы іспен айналысқан полиция өкілдері оларға заң нормасына сай айыппұл салған. Бұдан бөлек, олар Тұңғыш президент саябағындағы орындықтарды жуып, тазалауы керек болды.

Құқық бұзушылар бейнебақылау камераларынан алынған жазбалар бойынша табылды. Қыздар әлі кәмелетке толмағандықтан, олардың ата-аналарына әкімшілік бұзушылықтар туралы хаттамалар толтырылды.

ҚР Әкімшілік құқық бұзушылық туралы 435-бабына сәйкес, 14-тен 16 жасқа дейінгі кәмелетке толмаған адам жасаған ұсақ бұзақылық үшін – қыздардың ата-анасына жеті айлық есептiк көрсеткiш – 20 419 теңге мөлшерінде айыппұл салынды.