Оралда 43 жастағы әйелді көлік қағып кетті

17 мамырда сағат 10:20 шамасында Назарбаев даңғылында «Баспахана» аялдамасына қарама-қарсы жерде «Лада Калина» көлігінің жүргізушісі 1980 жылы туған жаяу жүргіншіні қағып кеткен.

Бұл туралы Батыс Қазақстан облысы полиция департаменті баспасөз қызметі хабарлады.

«Ол жаяу жүргіншілер жолағынан өтіп бара жатқан. Апат салдарынан зардап шеккен әйел ауруханаға жеткізілді» деп хабарлады Батыс Қазақстан облысы полиция департаментінің баспасөз қызметі.

Аталған факті бойынша ҚР Қылмыстық кодексінің 345-бабының 1-бөлігі «Жол жүру ережелерін бұзу» бойынша сотқа дейінгі тергеу амалдары жүргізіліп жатыр.