Оралда 10 млн теңгеге бағаланатын вейптер тәркіленді

Оралда полиция қызметкерлері алкомаркет ғимаратынынан құны 10 миллион теңге болатын вейптер мен сұйықтықтарға толы қойма тапты, деп хабарлайды  Orda.kz.

«Қаладағы алкомаркеттердің бірінде жүргізілген тінту кезінде 1099 вейп және 1300-ден астам сұйықтықтар сақталған қойма табылды. Тәркіленген заттардың жалпы құны 10 миллион теңгеден асады»,  делінген ішкі істер министрлігінің ресми интернет-ресурсында.

Құқық қорғау органдарының криминалдық полициясы telegram-арна арқылы вейптер мен сұйықтықтарды таратқан 25 жастағы жергілікті тұрғынды ұстады. Ол тауарларды жеткізу үшін курьер қолданғаны белгілі болды. 

Сонымен қатар, вейптерді заңсыз сатумен айналысқан 2 облыс тұрғыны да құрықталды. Олардың қолынан 10 тйым салынған темекі мен сұйықтыққа толы қорап тәркіленді. Сондай-ақ, telegram-арна арқылы тыйым салынған темекіні сатумен айналысқан такси жүргізушісі де ұсталып, 8 вейп тәркіленді. Қазіргі таңда аталған факт бойынша қылмыстық іс қозғалып, тергеу жүргізілуде.