Орал: Жекеменшік балабақша қызметкерлері жалақыларын ала алмай жүр

Оралдағы балабақша қызметкерлері уақтылы жалақыларын ала алмай әлек. Соның салдарынан олар қалалық білім бөліміне барған. Кәсіпкерлер білім бөлімінің жұмысында көптеген заң бұзушылықтар тапқан. Қазір балабақша иелері Бас прокуратураға арыз жазды.

Бұл туралы Спутник хабарлады.

Мектепке дейінгі ұйымдар одағының жетекшісі Алтыншаш Ахметалиеваның айтуынша, қалалық білім бөлімі қазан және қараша айларының жалақысын кешіктіргендіктен қызметкерлер уақтылы ақшаларын ала алмаған.

Шенеуніктер 2021 жылдан бастап барлығы электронды форматқа көшіп, содан кейін ақшаға байланысты мәселелер болмайды деп уәде берген.