Орал әуежайына Мәншүк Мәметова есімі беріледі

Оралдағы әуежайдың атауы ауыстырылады. Мой город басылымының ақпаратына сәйкес, тиісті шешім облыстық мәслихат сессиясында қабылданған.

Бұл туралы Orda.kz хабарлайды.

Тілдерді дамыту басқармасы басшысының міндетін атқарушы Света Ганиева қоғам белсенділері мен депутаттардан осындай ұсыныс келіп түскенін айтты.

– Облыстық мәслихат депутаттары «Орал халықаралық әуежайы» ЖШС атауын өзгерту туралы ұсыныс жасады. Әуежайға Кеңес одағының батыры Мәншүк Мәметованың есімін беру туралы ұсынысты қолдауды сұраймын, - деп атп өтті Света Ғаниева.

Депутаттар ұсынысты бірауыздан қолдады.

Мәншүк Мәметова - Орал облысының (қазіргі БҚО) тумасы, Ұлы Отан соғысының ерлікпен қаза тапқан жауынгері. Соғыс жылдары пулеметші болып қызмет етті. Ол 1943 жылдың күзінде қайтыс болды, соңғы шайқаста 70-тен астам жауды мерт қылған. Қайтыс болғаннан кейін оған Кеңес одағының батыры атағы берілді.