Орал полициясы бастығының орынбасары парамен ұсталды

Орал қалалық ІІБ бастығының орынбасары пара алып жатқан жерінде ұсталды, деп хабарлайды Polisia.kz .

ҚР Қылмыстық кодексінің 366-бабы (Пара алу) бойынша сотқа дейінгі тергеу амалдары жүргізілуде. Күдікті уақытша ұстау изоляторына қамалды.

– Ішкі істер министрлігі лауазымы мен дәрежесіне қарамастан, полицейлер тарапынан пара алу және азаматтардың құқықтарын бұзу фактілерінің жолын кесуді қатаң түрде жалғастырады. Міне, солардың арқасында Қазақстан халқына қызмет етіп жүрген ар-ожданы мол, адал полиция қызметкерлеріне көлеңке түсірілуде. Қатарларды тазарту жалғасуда, - деді ІІМ қауіпсіздік қызметі басқармасының бастығы Арман Саданов.

 «Уральская неделя» газеті ұсталған полицейдің есімі Эдик Булатов екенін, ол 4 миллион теңге пара алды деген күдікке ілінгенін жазады.

«Нақты ақпаратқа сәйкес, полковник Булатов есірткі қылмысын «ашып беремін» деп уәде бергені үшін пара алған. Оны ұстаумен астаналық ішкі қауіпсіздік департаментінің бір тобы айналысты» делінген мақалада.

Едик Булатов құқық қорғау органдарында 25 жылдан астам қызмет етті. 2018 жылы Орал қаласына ішкі қауіпсіздік бөлімінің бастығы лауазымына ауысты, одан кейін есірткі қылмысына қарсы күрес басқармасының бастығы болды, содан кейін Орал қалалық ЖПБ бастығының орынбасары болып тағайындалды.

Булатовтың ұлы мен екі қызы оның жолын қуып, ішкі істер органдарында қызмет етеді.