Орал қаласының әкімі денсаулығына байланысты қызметтен кетті

Орал қаласының әкімі Миржан Сатқанов қызметінен кетті.

Бұл туралы Миржан Сатқанов Facebook парақшасында хабарлады.

«Денсаулығым сыр беріп, қызметтен бұдан бұрын кетуді ойлап жүргенмін. Алайда көктемде қаламызда су тасқыны орын алып, мұндай қиын кезеңде жұмыстан шыға алмадым. Осылайша өз міндеттерімді әріптестеріммен бірге жалғастыра бердім» деп жазды Миржан Сатқанов Facebook парақшасында.

Ол әкім қызметінен кетуге мәжбүр болғанын атап өтті. Сатқанов Орал қаласының әкімдігін екі жылдан астам басқарды. «Жайық апталығы» газеті жыл басында әкімнің инсульт алғанын, ал сәуір айының соңынан бері еңбек демалысында болғанын жазады.