Орал қалалық сотының төрағасы ұсталды

Орал қалалық сотының төрағасы Руслан Жұмағұлов пара алу үстінде ұсталды, деп хабарлайды Orda.kz.

Алдын ала мәлімет бойынша, пара сотталған азаматқа оң шешім шығару үшін бкрілмекші болған. Жедел-тергеу іс-шараларын ҰҚК орталық аппараты мен БҚО департаменті қызметкерлері жүргізген. Қалалық сот төрағасы 1,5 млн теңге мөлшерінде ақша алған.

Руслан Нартайұлы Жұмағұлов 2001 жылы Қазақ гуманитарлық заң академиясын үздік бітірген.

Ол сол жылы БҚО бойынша Орал қалалық прокурорының көмекшісі қызметіне орналасқан. 

2011 жылы Батыс Қазақстан облыстық адвокаттар алқасында қорғаушы болып еңбек еткен.

2015 жылы президенттің жарлығымен Орал қалалық сотының судьясы болды. 2019 жылы Орал қалалық сотының төрағасы лауазымына ие болған.