Орал – Атырау тас жолында жантүршігерлік жол апаты болды

Батыс Қазақстан облысында 13 желтоқсанда екі көлік соқтығысты. «Мой город» порталына облыстық төтенше жағдайлар бойынша хабарлағандай, сағат 13:00-де Орал – Атырау тас жолының 122 шақырымында жол-көлік оқиғасы орын алды. Апат салдарынан бір ер адам қаза тауып, үшеуі жарақат алды.

– Зардап шеккендер Ақжайық ауданының орталық ауруханасына жеткізілді. 21 жастағы ер адамға жабық бас-ми жарақаты, ми шайқалу, кеуде қуысы мен жамбас сүйектері жарақаты диагнозы қойылды. Хирургиялық бөлімшеге жатқызылды. 34 жастағы ер адам жабық бассүйек-ми жарақатын алған, миы шайқалған, кеуде қуысының контузиясы болған. 45 жастағы зардап шегушіге жабық бассүйек-ми жарақаты, мидың шайқалуы, оң жақ жамбастың жабық сынуы, травматикалық шок диагнозы қойылды, - деп хабарлады БҚО ТЖМ баспасөз қызметі.

Облыстық полиция департаменті Фольксваген мен Мицубиси көліктерінің соқтығысуы салдарынан екінші көліктің 42 жастағы жүргізушісі қаза тапқанын айтты.