Орал-Атырау автожолындағы апаттан алты адам қаза тапты

Тағы бір адам түрлі жарақатпен ауылдық ауруханаға жеткізілді, деп хабарлайды "Мой ГОРОД" порталының тілшісі.

БҚО полиция департаментінің баспасөз қызметінен хабарлағандай, оқиға кеше, 22 ақпанда, Тайпақ ауылының маңындағы Орал-Атырау тас жолында орын алған. Жолда Toyota және Lada автокөліктері соқтығысқан.

БҚО денсаулық сақтау басқармасы баспасөз қызметінің мәліметінше, апат болған жерде алты адам қаза тауып, тағы біреуі Тайпақ ауылының ауруханасына жеткізілген. Оның жағдайы қазір нақтылануда.

Оқиға орнында полиция қызметкерлері жұмыс істейді. Жол апатының басқа да тұстары анықталуда.