Орал әкімі қатаң сөгіс алды

Батыс Қазақстан облысының әкімі Нариман Төреғалиев су тасқынына қарсы іс-шараларға арналған облыстық жедел штаб отырысын өткізді.

Өңір басшысы Орал әкімі Миржан Сатқановқа қатаң сөгіс жариялады.

«Сіз су тасқынына дайын болмадыңыз. Тіпті, қала әкімдігінің ғимараты да суға батып кеткен. Мұның бәрі жауапсыздықты көрсетеді. Кеше-бүгін қаланы аралап жүрмін, кейбір шағын аудандарда мен келгенде жұмыс енді ғана басталып жатыр. Орал әкіміне қатаң сөгіс жариялаймын. Қала мен аудандар күшейтілген режимде жұмыс істеуі керек. Жағдайды тәулік бойы бақылауда ұстаңыз», деді Нариман Төреғалиев.

Өңірде бірнеше күннен бері жауын жауып тұр.

Жаңбыр мен еріген қар суынан тұрғын үйлерді су басу қаупі бар.