Қорғаныс министрлігі тот басқан ұшақтарды 212 млн теңгеге сатпақшы

Мемлекеттік мүлікті сату алаңында жалпы құны 212 млн теңгеге бағаланған бірнеше ескі ұшақ аукционға шығарылды.

Бір «Як-18Т» (1982 ж.) және екі «АН-28» (1990) Ақтөбедегі Т.Бигелдинов атындағы Әуе қорғанысы күштерінің әскери институты сатып жатыр. Олардың барлығы енді ұшуға жарамсыз. ЯK ұшағын 5,6 млн теңгеге, ал АН ұшағының әрқайсысы 31 млн теңгеге бағаланды.

Бағалау кезінде «АН-28» ұшағы шамамен 1400 сағат ұшты және 3000-ға жуық рет қонды. 5000 сағаттық ресурсы және 5000 қонуы бар олар қазірдің өзінде қанағаттанарлықсыз жағдайда және 2005 жылдан бастап ұшуға жарамсыз. Ұшақ тот басып, жанармайы мен гидравликалық жүйелері ағып кеткен.

Сондай-ақ №65229 әскери бөлімі 5 ұшақ сатпақшы. Олардың балансында «АН-12», «АН-12БП», «ТУ-134» және екі «АН-26» ұшақтары бар. Барлығының жағдайы қанағаттанарлықсыз.