Қорғаныс министрі Ақтаудағы әскерилердің дайындығын тексерді

Ақтауда қорғаныс министрі Нұрлан Ермекбаев әуе кеңістігін қорғау қызметін атқару барысын тексерді.

Бұл туралы Orda.kz қорғаныс министрлігің баспасөз қызметіне сілтеме жасап хабарлайды.

Сонымен қатар министр теңіз жаяу әскерлерінің, арнайы операциялар күштері бөлімшелерінің және әскери теңізшілердің жауынгерлік даярлығы өтетін оқу-жаттығу алаңдары мен полигондарын аралап шықты.

Ақтау әуе базасында Қорғаныс күштерінің бас қолбасшысы майдан авиациясы жойғыштарының кезекшілік атқару тәртібі, инфрақұрылымның жай-күйі мен әскери бөлімдегі объектілердің күзеті туралы айтып берді.

Қорғаныс ведомствосының басшысы полигондарда бағынысты әскерлердің жауынгерлік оқуын ұйымдастыруға жауапты лауазымды тұлғаларды тыңдады. Қорғаныс министрі соңғы уақыттағы қарулы қақтығыстардың тәжірибесін ескере отырып, енгізіліп жатқан жаңа іс-қимылдың тәсілдері мен тактикалық әдістерінің сапасын тексерді.

Сондай-ақ, жеке құрамды 100% сабақтармен жоғары қарқында қамтуды және жауынгерлік даярлық үрдісін үздіксіз қамтамасыз етуді тапсырды.