Оппозициялық саясаткер Жанболат Мамайдың жаңа жұмыс орны белгілі болды
Сотталған оппозициялық саясаткер, тіркелмеген Демократиялық партияның жетекшісі Жанболат Мамай жұмысқа орналасты.
Бұған дейін сот оған азаматтық және журналистік қызметпен айналысуға тыйым салған болатын. Белсендінің қазір қайда жұмыс істейтіні туралы Orda.kz сайтынан оқыңыздар.
Оппозициялық саясаткердің жаңа жұмыс орны Алматы Менеджмент Университетінің құрылымдық бөлімшесі Alma School жеке кәсіпкерлік білім беру мектебі.
Мамай мектепте бір айдан бері жұмыс істеп, дамыту жөніндегі директор қызметін атқарады. Жұбайы Инга Иманбайдың айтуынша, ол алдағы уақытта да білім, ағарту саласында қызмет ететін болады.
«Менің жолдасым азаматтық бостандықтарына қойылған көптеген шектеулерге байланысты ешқандай саяси, азаматтық немесе журналистік қызметке, соның ішінде интернетте де айналыса алмайды. Оған кітап жазуға да тыйым салынған. Осыған орай, ол қазір білім беру саласында еңбек етуде», - дейді ол.
Белсендінің ағылшын филологиясы бойынша дипломы бар. Бірақ, Инга Иманбайдың айтуынша, жоғары білімі болса да, күйеуіне жұмысқа тұру қиын болған:
Жанболат Мамайдың Alma School жеке мектебіне жұмысқа орналасқаны білім ошағы қабырғасында өткен салтанатты шаралардың бірінде белгілі болды.
20 қазанда аталған мектепте жазушы Мұхтар Әуезов атындағы кітапхана, мемлекет қайраткері Дінмұхамед Қонаев атындағы мәжіліс залы, сондай-ақ Қазақстанның халық әртісі, композитор Ескендір Хасанғалиев атындағы мәжіліс залы ашылды.
Естеріңізге сала кетейік, 10 сәуірде Алматы қаласы Бостандық ауданының №2 сотында 2022 жылғы қаңтар оқиғасы кезінде «жаппай тәртіпсіздіктер ұйымдастырды» деген айып тағылған, тіркелмеген Қазақстан демократиялық партиясының жетекшісі Жанболат Мамайға үкім шығарылған болатын. Пробациялық бақылау орнатылып, алты жылға шартты түрде бас бостандығынан айыру жазасы тағайындалды. Оған саяси қызметпен, журналистикамен, публицистикамен айналысуға, қоғамдық бірлестіктер жұмысына қатысуға тыйым салынды.
Жаңалықтар
- Грузия 1 маусымнан бастап туристер үшін кіру шарттарын өзгертеді
- Шымкент әкімі Ұлы Отан соғысы ардагерлеріне пәтер сыйлады
- Армения ҰҚШҰ-ның мүшесі болып қала береді – БАҚ
- Сирия Қорғаныс министрлігі Израильдің Дамаскке соққы бергенін хабарлады
- Катар Шығыс Қазақстанда су электр станциясын салуы мүмкін
- Бюджет шығыстарының төрттен бірі мемлекеттік қарызды өтеуге жұмсалады
- Су тасқынының екінші толқыны екі облыста жалғасуда
- Қазақстан әйелдер денсаулығының әлемдік рейтингінде Ұлыбритания, Франция және Ресейден алда
- Астанада рейд кезінде тәркіленген 10 тонна насыбай өртенді
- Құлсарыда тәулігіне 70 мың текше метр су сорылды
- Жоғары Еуразиялық экономикалық кеңестің мерейтойлық саммитіндегі Тоқаевтың сөзі
- Жастар арасындағы Азия чемпионатында қазақ боксшылары 14 алтын медаль жеңіп алды
- 1 маусымда Алматыда орташа жол жөндеу жұмыстары басталады
- Беларусьте тактикалық ядролық қару сынақтан өтеді
- Қырғызстан Қазақстанға транзиттік тәуелділігін азайтпақ
- Батырдың жүз жылдығына орай Астана мектебіне Рақымжан Қошқарбаевтың есімі берілді
- Jusan Bank-тің жай акцияларының иелері дивиденд алмайды
- Голан төбесінде Қазақстан туы желбіреді
- Қырғызстан мен Тәжікстан шекарасында атыс: зардап шеккендер бар
- Тоқаев «Отан Ана» мемориалына гүл шоқтарын қойып, ардагерлерді Жеңіс күнімен құттықтады