Оператор РОП-тың бұрынғы бас директорына қатысты сотқа дейінгі тергеу басталды

«Оператор РОП» ЖШС бұрынғы бас директорына қатысты сотқа дейінгі тергеу басталды, деп хабарлады ҚР Сыбайлас жемқорлыққа қарсы қызметінің баспасөз қызметі.

«ҚР Сыбайлас жемқорлыққа қарсы қызметі «Оператор РОП» ЖШС бұрынғы бас директорына қатысты компанияның 2016-2021 жылдар аралығындағы көліктерді қайта өңдеудің жоғарылаған құнын белгілеу арқылы 20 млрд теңгеден астам қаражатын жымқыру фактісі бойынша сотқа дейінгі тергеп-тексеруді бастады» делінген хабарламада.

Сот санкциясымен «Оператор РОП» ЖШС бұрынғы бас директоры қамауға алынды.

Сондай-ақ, сыбайлас жемқорлық қылмыс жасады деген күдікпен Экология вице-министрі мен «РОП операторы» ЖШС басқарма төрағасы ұсталған.

Тергеу жалғасуда.