«Оператор РОП» ісі: Астанада компанияның бұрынғы құрылтайшысының соты өтті

10 қазанда елорданың қылмыстық істер жөніндегі ауданаралық сотында «Оператор РОП» ЖШС бұрынғы құрылтайшысы Шынар Мұқтароваға қатысты қылмыстық іс бойынша алдын ала тыңдау өтті.

Оған  Қазақстан Республикасы Қылмыстық кодексінің 28-бабының 3-бөлігі бойынша  «Қылмыстық құқық бұзушылықты ұйымдастырушы» және Қазақстан Республикасы Қылмыстық кодексінің 189-бабының 4-бөлігінің 2-тармағы «Бөтеннің сеніп тапсырылған мүлкін иемдену немесе жымқыру» бойынша қылмыстық іс қозғалды. Осылайша, Мұқтарова аса ірі көлемде ақша жымқырды деген күдікке ілінді.

Адвокаттың өтініші бойынша сот сурет пен бейнежазбаға түсіруге тыйым салды. Сондай-ақ қорғаушылар Мұқтарованың бұлтартпау шарасын жұмсартуды сұрады. Алайда сот одан бас тартып, әйел қамауда қалды.

Бұл іс бойынша негізгі сот 20 қазанда басталады, өйткені РОП операторының бұрынғы басшыларының соты кезінде Мұқтарова халықаралық іздеуде болды.

5 шілдеде БАӘ уәкілетті органдары Интерполдың көмегімен Мұқтарованы Дубайда ұстап, қамауға алды. Содан кейін ол Қазақстанға экстрадицияланды.

Бұған дейін сотта компанияның экс-менеджерлері «Оператор РОП» ЖШС-нің нақты құрылтайшысы Әлия Назарбаеваның үй шаруасындағы қызметкері Мұқтарованың айтуымен шешім қабылдағанын алға тартқан.