Оңтүстік-Шығыс Азияда су тасқыны мен көшкін салдарынан 500-ден астам адам опат болды

Оңтүстік-Шығыс Азияда апатты су тасқыны мен көшкін салдарынан қаза тапқандар саны 500-ден асты, деп хабарлайды Orda.kz. 

Осы аптада қатты муссондық жаңбыр үш елдің: Индонезия, Таиланд және Малайзияның аумағын жайлап алды. The Guardian-дың 2025 жылғы 30 қарашадағы мәліметтері бойынша Индонезияның Суматра аралында 350-ден астам адам, Таиландта 162 адам қаза тапқан.

Индонезиядағы құтқарушылар Суматра аралының ең көп зардап шеккен аудандарына жете алмады, онда кемінде 350 адам қаза тапты, ал 279 адам әлі күнге дейін хабар-ошарсыз кетті.

Солтүстік Суматрада қаза тапқандар саны 166-ға жетті, ал Батыс Суматрада 90 адам қаза тапты. Құтқарушылар Ачехтен 47 мәйіт алып шықты.

3500-ден астам полиция қызметкері хабарсыз жоғалғандарды іздеуге және бүкіл провинция бойынша уақытша үкіметтік баспаналарда жатқан 28 400-ден астам адамға көмек бөлуге жәрдемдесуге атсалысып жатыр.

Индонезияның Төтенше жағдайларды басқару жөніндегі ұлттық агенттігінің басшысы баспасөз мәслихатында 80 000-ге жуық адам қауіпсіз жерге көшірілгенін, ал жүздеген адам бұрынғысынша қиын жағдайда қалып отырғанын хабарлады.

Таиландта су тасқынынан 1,4 миллионнан астам үй шаруашылығы зардап шекті, оның ішінде 3,8 миллион адам, деп хабарлады сенбі күні Табиғи апаттардың алдын алу және салдарын жеңілдету департаменті.

Таиландтың оңтүстігінде су деңгейі Сонгхла провинциясында 3 метрге жетіп, он жылдағы ең қатты су тасқынының салдарынан кем дегенде 145 адам қаза тапты. Үкімет 29 қарашада еліміздің сегіз провинциясында қаза тапқандардың саны 162-ге жеткенін хабарлады. 

Малайзияда Перлис штатының солтүстік бөліктері су астында қалған қатты жаңбырдан болған су тасқынынан екі адам қаза тапты. Айт кетерлігі жыл сайынғы жаңбыр маусымы, әдетте маусым айынан қыркүйекке дейін болады, осы кезде жиі қатты жаңбыр жауып, жер көшкінін және кенеттен су тасқынын тудырады.

Тропикалық дауыл жағдайды ушықтырып жіберді, ал Индонезия мен Таиландта су тасқынынан қаза тапқандар саны соңғы жылдары осы елдерде ең көп болып шықты.

Бұған дейін Тоқаев жойқын су тасқынынан кейін Индонезия мен Таиланд басшыларына көңіл айтқан болатын.