Оңтүстік өңірден Астанаға есірткі жеткізетіндер құрықталды

Ұлттық қауіпсіздік комитеті Қазақстанның оңтүстік облыстарынан Астанаға есірткі жеткізетін арнаның жолын кесті, деп хабарлайды Orda.kz.

Ұлттық қауіпсіздік комитетінің мәліметінше, есірткі тасымалдау кезінде «наркокурьер» ұсталған. Көлікті тексеру барысында 45 келі гашиш пен 312 келі марихуана табылды. Бұдан өзге, қосымша 1,6 тонна марихуана, сондай-ақ 1 келі гашиш тәркіленді.

Қылмыскерлер есірткіні Қазақстанның солтүстік өңірлерінде көтерме және бөлшек бағада сатпақ болған. 

Қылмыстық кодекстің 297-бабының 3-бөлігі бойынша сотқа дейінгі тергеу жүргізіліп жатыр. Күдіктілер қамауға алынды.