Оңтүстік өңірде кәсіпкерлерді жылдар бойы қорқытып келген қылмыстық топ

Жамбыл облысында бірнеше жыл бойы аймақ кәсіпкерлерін қорқытып келген ұйымдасқан қылмыстық топ құрықталды деп хабарлайды Orda.kz.

Ұйымдасқан қылмыстық топ мүшелеріне қатысты тергеу өткен жылдың сәуір айында басталған болатын. Полицейлер мен прокурорлар қылмыстық топтың қайырымдылық қор атын жамылып, бопсалаумен, қарызды өндіріп алумен және зорлық-зомбылықпен айналысқанын анықтады. Құрбан болғандар арасында өлім қаупі төнген бірнеше кәсіпкер де бар.

«Қылмыстық топ жеті адамнан құралған, олардың барлығы бұрын сотты болған. Айыпталушылар үйлесімді әрекет етті. Мәселен, Меркі ауданының екі тұрғынынан бір миллион теңге және 10 келі есірткі талап етілді. Жәбірленушілердің бірі мобильді қосымша арқылы қылмыскерлерге 500 мың теңге аударған. Топ мүшелері ақшаны өзара бөлісті»,  деп хабарлады прокуратура.